#الحي_الجامعي😈

.

 سلام الله عليكم متابعين قناة بلاك وولف اهلا وسهلا بكم من جديد مع قصة مرعبة تتنوع في احداثها تحت عنوان  بيت الاشباح بالدارجة المغربية قبل البدا او الخوض في القصة كيف العادة جاول تجلس فشي بلاصة مافيهاش الصداع او تبع معايا احداث القصة لي كلها رعب او تشويق ناس بزااااف كتجاهل شي حاجة سميتها الجن او البعض مكيامنش بيه كاع او البعض الاخر كيجيه خرافات المهم ماشي هو هذا الموضوع لي جيت نعاود عليه اليوم هاد المنزل او البيت او كيف بغيتي سميه منازل الطالبات او عمارة فيها عدة بيوت كيسكنوها الطالبات او بعض البيوت مسدودة يعني مقفولة في ظروف غامضة مكيتكراو ماوالو غير مسدودين او هاد العمارة فيها سراديب او كنظن ان السراديب كتكون موطن للجن او الشياطين قبل مندخلوا فصلب الموضوع نعرفلكم على الشخصيات لي فالقصة او تقريبا كلهم اناث او الشخص الوحيد او جوج اشخاص ذكور هو الحارس او المدير او نزيدو الاستاذ كانوا 5 ديال الصحابات ساكنين فبيت من بيوت ديك الحي السكني الجامعي لي فيه هاد العمارة كانت ديال الليل كتلقى كلشي ناعس بحكم ان المدرسة او ساكنين فيها ناس من مدن اخرى او من القرى هاد الصحابات تعرفوا على بعضياتهم في لاونفي يعني فالوقت ديال الدراسة ديالهم او الامتحانات او ولا صحابات او تشاركوا الحارة او الحلوة او شاركوا حتى المسكن فين يعيشو جميع المهم انا كنعاود ليكم بالتفاصيل باش هكا تعيشوا مع الحدث ديال القصة كانوا كيقصرو بالليل شوية بحكم انهم بناات المدينة او مكينعسوش بالليل بكري بقاو هكا حتى لواحد الليلة جالسين اولا نعرفلكم على سميتهم كاينة رجاء او هجر او خولة او سارة او فاطمة الزهراء المهم هادو هما الصحابات الحارس با علال او المديرالعلاوي او الاستاذ البهجة هاذو هما الشخصيات البارزة فالقصة نكملوا واحد الليلة كانت الصهد او الحالة سخونة او كل وحدة او شخصيتها او كل وحدة او عقليتها ولكن جمعهم هذف واحد هو يقراو او يرجعوا بالهدف ديالهم لمدينتهم فاوقات الفراغ كل وحدة كتقبط بلاصة او يجلسوا يهضروا فاطمة الزهراء كانت جالسة حدا نافذة هي كتهضر او الانظار ديالها كيشوفوا خارج النافدة يعني فواحد المدرسة حداهم كتبعد شي كلمترات او كتهضر معاهم كلهم جالسين قابطين بلاصة فالبيت او كل وحدة كتعاود حالتها او شنو هو الهذف ديالها فالحياة واحد اللحظة فاطمة الزهراء تسمرات بلاصتها بدون حراك وخا كيهضرو معاها او هي راها فعالم اخر ناداو بالاسم ديالها فاطمة الزهراء فاطمة الزهراء والو او هي مركزة النظر ديالها لاتجاه واحد اخر واحد اللحظة ضارت او قالتلهم اجيو تشوفوا البنات مشاو كيجريو بلش يلقيو نظرة لسوء الحظ مابالهم والو اختفى داكشي بسرعة البرق بحال الى كذبوها او حسوا ان الصديقة ديالهم فحالة هيستيريو بقاو كيقولوا ليها شنو كاين تم او غير هي لي شافت هادشي مايمكنش المهم بقات هكا كل واحد قبط بلاصة على الله يرجع داكشي الغريب المراة الثانية لكن مارجعش صافي عياو كل واحد قبط بلاصتو حيت تابعهوم امتحان غدا انشاء الله او وخا نعسوا جلسوا يهضرو شوية بالسهات فديك الظلمة لي او كل وحدة فيهم كتهضر على الصديق او فارس الاحلام ديالها او كيف بغاتوا حتى بقا كيعم الصمت او داهم نعاس فاقوا فالصباح رتبوا المسائل ديالهم او الكتب او الادوات لي غادي يحتاجوا فطروا او مشاو للدراسة او فالاستراحة جلسوا يهضرو على البارح شنو وقع فاطمة الزهرة هي بطلة القصة ماعقلاتش شنو وقع معاها البارح من غير انها طاحت دودة المهم مشاو دوزا الامتحان لي عندهم او خرجوا حتى ل6 ديال العشية مشاو هما ماعندهمش مع الدوران بزاااف هما مجموعين صحابات او كيدور او كيتسراو بيناتهم او حتى كيكون وقت الفراغ اما وقت الدراسة كتلقاهم 7 فالبيت المتواضع ديالهم الليلة الثانية غادي توقع شي حاجة لي غادي ياكدو داكشي لي شافت صاحبتهم البارح المهم بقا كل وحدة او باش تكلفات باش يطيبوا العشا هما تقريبا مرة مرة كيتشهاو شي حاجة مكطيبهاش الجامعة المهم سارة كتنقي الخضرة هي خولة او

او رجاء او هجر كيديرو التوابل او العطرية او فاطمة الزهراء  كتجيب ليهم داكشي لي غادي يحتاجوا المهم ردوا الطياب يطيب او جلسوا يتفرجوا فالتيليفون على مايطيب داكشي او جالسين كيتفرجوا فالفيديوهات واحد اللحظة سمعوا الزطمة طالعة فالدروج مايكون غير الحارس دبا المشكل جايين حدا ديك البيوتة المسدودين او السراديب عندهم سراجم جايين حتى هما حداهم الحارس شاف الضو مازال مشعول بغا يتاكد لقاهم كيطيبو العشا او قالهم بالصحة او هبط فحالو المهم من بعد ديك البيوت فيهم شي حاجة او اصلا الحي الجامعي شوية بعيد على السكان ولكن فيه حراسة مشددة خولة غير نسات ولا ماعرفت او جلساات كتهضر معاهم او دارت نفس البلان لي دارت فاطمة الزهراء فالاول المهم جلسات هكا كتهضر واحد اللحظة كيبانو ليها جوج بنيتات صغار كيلعبو تكون فعمر وحدة 12 او الكبيرة 16 عام جلسات كتشوف ديك المنظر او هما كيلعبوا فارجاء او داخل المدرسة المهجورة تدهشرات من الموقف لي كان صعيب على الانسان يتيقو المهم بقات متبعة المشهد او حتى دخلوا لواحد القسم من الاقسام لي فالمدرسة او كيبقى التساؤل مطروح واش هاذو بنات المنطقة ولكن شنو لي جابهم لهاد البلاصة لي مهجورة او هما فسن مبكر او الى كانوا ابناء المدرسة لا لا هذا ؟؟؟؟ بززااااف ديال العلامات الاستفهام كيتطرحوا التساؤولات او عيطات البنات او قالتلهم راه مايمكنش هادشي لي شفت او ماغاديش ثيقوني من غير فاطمة الزهراء لي ديك نهار قالتنا شنو شافت واش ساكن شي حد فهاد المدرسة واش هاد المدرسة مهجورة ولا ساكنين فيها كلشي تصدم من الامر حاولوا يفتوا بحث فهادشي لي واقع دبا ان كيبانوا ليهم جوج بنات قبل مايمشي عند الحارس فالصبح بالليل تناقشوا على هاد المسالة الغير عادية

 المهم عاد تفهموا الامر او عاد ثيقو فاطمة الزهراء لي ردوها ديك نهار غير حمقة او غير كتهترف وحدة لي مابغاتش ثيق هي رجاء المهم مادوهاش فيها لاش لان جوج شافوا هادشي او مايمكنش يكونوا حماقوا ولا كيهترفوا صباح الصباح او كلشي فايق مخلوع من البارح مشاو كان عندهم غير النقط او التنقيط ديال الامتحان مشاو نفاردوا بالحاىس بوحدو او قالواوا ضروري خاصنا نهضرو معاك لان بغينا واحد المسالة ضرورية او بغينا نتاكدوا واش داكشي لي شفنا واش فمحلوا ولا حنا كنحلموا ولا كيتخيل لينا   قالنا مالكم ياك لباس او شنو شفتو قالتلوا فاطمة الزهراء شفنا شي حاجة فالمدرسة او الاخرى ماشي فير انا راه حتى صاحبتي خولة كاملين اكدوا ليه الامر ولكن منين سمعوا الجواب ديال الحارس كلشي تصعق من الامر قالهم داكشي لي شفتوا بصح او انتوما فكامل قواكم العقلية او هادشي لي غادي نقولكم راه قصة وقعات حقيقية عاد هادي شي عام كانوا جوج بنيتات كيوسناو الحافلة ديال المدرسة او بجوج خواتات او او دازت فيهم شاحنة او داكشي لي كنتوا كتشوفوا صحيح او هاديك الروح ديالهم مازال مغدورة او مازال كتخوم فالعالم الارضي والعالم الانساني المهم كلشي دخلاتو تنكرة او كلشي خاف لانه الفتيات الاكثر خوفا ورعبا المهم نساو داكشي او مشاو او شكروا الحارس او نصحهوم مايتعمقوش فداكشي او داكشي طبيعي كيوقع حيت ماتوا فحادثة مروعة ولكن رجاء لي مكتيقش غادي يوقع ليها حدث غادي تخلي راسها تاكد ان هاد المبنى مسكون او ان داكشي لي شافو صحاباتها بالصح او مافيه شك كانت طالعة فالدروج واذا بيها كتسمع الطرق او الدقان فاحد البيوت المغلقة من شحال هادي بقات كتحك عينيها واش بصح ولا لا او داكشي لي سمعات كان بصح لان مازال الدقان كيتكرر مرارا وتكرارا او غير كدور كتولي تسمع واحد اللحظة سمعات الانين فديك البيت لي كان مظلام او مافيه حتى حد حاولات تقرب ولكن مقدراتش بوحدها

المهم بقا تعيط خولة فاطمة الزهراء سارة فينكوم كلهوم جاو كيجيرو فحالة صدمة او كلشي مصدوم

من المشهد لان اول حاجة داكشي تقطع ليه الاثر او ثيقوها وحا هكاك لان داكشي لي وقع كلوا كان من فعل الجن او هاد البلاصة ماخاصناش نزيدو فيها دقيقة وحدة او حاولوا ان باش يهضروا مع المدير على هادشي باش يعطيهم جناح واحد اخر لي مافيهش الصداع او مسكون حيت مابقا والو او غادي يمشي فحالهم او كل وحدة فمدينة ولكن هذا مكيمنعش انه يتلاقاو كل وحدة او كبتجمعوا كل مرة عند وحدة هاد المدرسة مسكونة او الحي الجامعي مسكون بالجن او شحال قدك مترقي او كنتمنى ان تكون عجباتكم القصة او كنتمنى ايضا ان كلشي يستمتع باحداثها او باش نفذ او نرضي الجمهور لي عندي حطيت جوج قصص فنهار واحد او عشية وحدة لان مايمكنش نحط الدارجة او نخلي ناس لي كيبغيو اللغة العربية يحسوا انني كندير الفرزيات فبغيتكم كاملين تستمتعوا او حتى انا مطالب والو من غير التفاعل او البرطاج او دعم باش هكا ديما نكون معاكم انشاء الله المهم جا الموسم ديال العطلة او كل وحدة مشات عند الهالي ديالها او كان داكشي فير معاودة او كلشي داز مزيان او نجحوا كاملين لحسن الحظ المهم كانت هادي نهاية قصتنا اليوم او قصتنا مشات من واد لواد او انا بقيت مع ناس الجواد فكان معاكم اسماعيل من قناة بلاك وولف دمتم في رعاية الله وحفظه والسلام عليكم ورحمة الله تعالى وبركاته😊
.